Та бидний танил Google Earth буюу хийсвэр бөмбөрцөг маань “Voyager’ нэрийн дор асар их шинэчлэлт хийн нээлээ.

Өөрийн сонссон дуулсан газар нутгаа сонирхон судалж үзэх гэж цагаа үрэн, хаа нэгтээ санамсаргүй сонгосон газраасаа эрдэнийн чулуу олчих найдлага тавин суудаг цаг ард хоцорчээ. Шинэ бүтээгдэхүүн болох “Аялагч” нь танд дэлхий даяарх зохион байгуулагдаж байгаа зуу зуун аяллуудаас санал болгох болно.

Аялал бүр өөр өөрийн сэдэвт төвлөрөх юм. Жишээ нь “Дэлхий даяарх музей” таныг Мадридын алдарт Reina Sofia музейгээс Нью-Йорк хотын Метрополитан Арт музей хүртэл дэлхийн өнцөг булан бүрийн 28 музейн “street view” буюу гудман аялалд хөтлөх болно. Хэрэв та байгалийн гайхалтай өвөрмөц тогтоц бүхий төрхөд дурладаг нэгэн бол “Earth view” танд дэлхийн хамгийн нууцлаг хийгээд гайхалтай үзэсгэлэнт газруудыг харуулах ажээ. Зарим аяллуудад 360 хэмийн видео агуулга, youtube бичлэгүүд гэх мэт олон олон нэмэлтүүдийг ч мөн нэмж оруулж өгчээ.

Хэрэв та аялал хийхээр төлөвлөж байгаа бол Токио, Лондон Мехико гэх мэт хотуудын хамгийн шилдэг очих газруудын хаяг маршрутыг Google Earth санал болгох юм. Мөн түүнчлэн “I’m Feeling Lucky” гэсний дарснаар дэлхий дээрх санамсаргүй байршил, байгууламжуудыг википедиа тайлбарын хамтаар танд санал болгох гэнэ.


Цаашид Google Earth нь татаж авч суулгадаг програм байхаа больж Google Chrome интернет хөтөч суулгасан компьютерүүд шууд хандаж болохоор хийгдсэн байна. Бусад интернет хөтчүүдэд энэ боломж удахгүй нэвтрэх юм байна. Танаас ганцхан асуулт асуух л үлдлээ. Та аялахад бэлэн үү Google Earth

Google-ийн шинэчлэлтийг танилцуулсан гайхалтай бичлэгийг хүлээн авч үзнэ үү…


Эх сурвалж: businessinsider.com

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин